jjut mu ax sse ly
32. ꐧ ꃅ ꀉ ꌺ ꇖ,
mu lu li tap cyp
ꃅ ꇐ ꆹ ꄤ ꋍ;
nzy sse mu lu ddi
ꌅ ꌺ ꃅ ꇐ ꄸ,
lot sa cy ap wep
ꇇ ꌒ ꋌ ꀋ ꊌ;
mop sse mu lu ddi
ꃀ ꌺ ꃅ ꇐ ꄸ,
nzy ke cy ap wep
ꌅ ꈌ ꋌ ꀋ ꊌ;
wo sat mu lu ddi
ꊈ ꌐ ꃅ ꇐ ꄸ,
fur nrat cy ap wep
ꃝ ꎔ ꋌ ꀋ ꊌ;
vyt nyi mu lu ddi
ꃺ ꑌ ꃅ ꇐ ꄸ,
cyt nrat cy ap wep
ꋊ ꎔ ꋌ ꀋ ꊌ;
vo co mu lu ddi
ꃰ ꊿ ꃅ ꇐ ꄸ,
qop nrat cy ap wep
ꐋ ꎔ ꋌ ꀋ ꊌ;
sse nbopmu lu nbop
ꌺ ꂄ ꃅ ꇐ ꂄ,
sse ddi mu lu ddi
ꌺ ꄸ ꃅ ꇐ ꄸ;
qop shepmu lu shep
ꐋ ꎹ ꃅ ꇐ ꎹ,
qop mgu mu lux mgu
ꐋ ꉂ ꃅ ꇏ ꉂ。
zze lu ip hxat sha
ꋠ ꇐ ꀃ ꉎ ꎭ,
nzy mi ip qop jjip
ꌅ ꂮ ꀃ ꐋ ꐛ;
zze lu ip jjy sha
ꋠ ꇐ ꀃ ꐯ ꎭ,
Lu jji ip qop jjip
ꇐ ꐚ ꀃ ꐋ ꐛ;
vuplut hxeptap ddi
ꃷ ꇎ ꉜ ꄤ ꄸ,
she vi hxeptap yy
ꎸ ꃤ ꉜ ꄤ ꒉ;
zze lu ip wa sha
ꋠ ꇐ ꀃ ꊂ ꎭ,
wo sat ip qop jjip
ꊈ ꌐ ꀃ ꐋ ꐛ;
zze lu ip mop sha
ꋠ ꇐ ꀃ ꃀ ꎭ,
vyt nyi ip qopjjip
ꃺ ꑌ ꀃ ꐋ ꐛ。
zze lu li ku vur
ꋠ ꇐ ꆹ ꈐ ꃹ,
bburma li hxixddur
ꁱ ꂷ ꆹ ꉇ ꅐ;
zza nyi su pup zha
ꋚ ꑌ ꌠ ꁍ ꍈ,
ddop mu jji ddu shu
ꅇ ꃅ ꐚ ꅍ ꎼ;
diex bur sy ap dit
ꄄ ꀱ ꌦ ꀋ ꄀ,
wo sat ix mo ggur
ꊈ ꌐ ꀁ ꂿ ꈯ;
shopmoprrupap dit
ꎵ ꃀ ꎋ ꀋ ꄀ,
jot jo ix mo ggur
ꏬ ꏮ ꀁ ꂿ ꈯ;
co ddi ddopddihxip
ꊿ ꄸ ꅇ ꄸ ꉉ,
myp ddi zza ddi mu
ꃌ ꄸ ꋚ ꄸ ꃅ,
xyp ddi sse ddi ne
ꑮ ꄸ ꌺ ꄸ ꆏ,
che chep bur mu qi
ꍯ ꍰ ꀱ ꃅ ꏾ;
mop ddi sa ddi ne
ꃀ ꄸ ꌒ ꄸ ꆏ,
vix ke bur hxip qi
ꃣ ꈌ ꀱ ꉉ ꏾ;
nyit ddi bi ddi ne
ꑊ ꄸ ꀘ ꄸ ꆏ,
nipcyp bur mgot qi
ꆀ ꋍ ꀱ ꈹ ꏾ;
bbu ddi hmu ddi ne
ꁮ ꄸ ꂥ ꄸ ꆏ,
ax qy hxie ssy zi
ꀉ ꐔ ꉌ ꍂ ꊐ;
ggupddigga ddi ne
ꈭ ꄸ ꈜ ꄸ ꆏ,
xyx kuohxiendot zip
ꑬ ꈄ ꉌ ꅛ ꊐ;
vit ddiggat ddi ne
ꃢ ꄸ ꈚ ꄸ ꆏ,
kutddi hlep ap ddi
ꈎ ꄸ ꆪ ꀋ ꄸ;
zza ddi yy ddi ne
ꋚ ꄸ ꒉ ꄸ ꆏ,
nyipddihxot ap ddi
ꑍ ꄸ ꉖ ꀋ ꄸ;
myp ddi sse ddi ne
ꃌ ꄸ ꌺ ꄸ ꆏ,
ssy lop ho dde w
ꍂ ꇊ ꉻ ꅉ ꀕ。
用户评论