玛牧35

fut pu wa  sse ly

35. ꃘ ꁌ ꊂ ꌺ ꇖ，

nzy mithxeptap yy

ꌅ ꂮ ꉜ ꄤ ꒉ，

putjji hxeptap ddi

ꁏ ꐚ ꉜ ꄤ ꄸ，

nzy mit nyi vo co

ꌅ ꂮ ꑌ ꃰ ꊿ，

pur jji nyi vo co

ꁏ ꐚ ꑌ ꃰ ꊿ;

Jiezhyrhxeptap  yy

ꏦ ꍠ ꉜ ꄤ ꒉ，

mup pa hxeptap ddi

ꃆ ꁁ ꉜ ꄤ ꄸ；

jiezhyrnyivit gga

ꏦ ꍠ ꑌ ꃢ ꈜ，

mup pa nyi vitggat

ꃆ ꁁ ꑌ ꃢ ꈜ；

yiemop hxeptap yy

ꑷ ꃀ ꉜ ꄤ ꒉ，

vot ho hxeptap ddi

ꃮ ꉻ ꉜ ꄤ ꄸ;

yie mop nyisyr lur

ꑷ ꃀ ꑌ ꌩ ꇓ，

vot ho nyi syr lur

ꃮ ꉻ ꑌ ꌩ ꇓ；

ggatsu hxep tap yy

ꈚ ꌠ ꉜ ꄤ ꒉ，

sha su hxeptap ddi

ꎭ ꌠ ꉜ ꄤ ꄸ；

sha burggatla hxit

ꎭ ꀱ ꈚ ꇁ ꉆ，

ggat ci sha la hxit

ꈚ ꊰ ꎭ ꇁ ꉆ；

hmutsu hxeptapddi

ꂣ ꌠ ꉜ ꄤ ꄸ，

yi  su hxep tap yy

ꑳ ꌠ ꉜ ꄤ ꒉ；

hmut bur yila hxit

ꂣ ꀱ ꑳ ꇁ ꉆ，

yi su hmut la hxit

ꑳ ꌠ ꂣ ꇁ ꉆ；

jjytsu hxeptat ddi

ꐭ ꌠ ꉜ ꄤ ꄸ，

yy su hxep tap yy

ꒉ ꌠ ꉜ ꄤ ꒉ；

jjyt jjo yy la lu

ꐭ ꐥ ꒉ ꇁ ꇐ，

yy jjo mop la  lu

ꒉ ꐥ ꃀ ꇁ ꇐ；

su hmut su  yi  li

ꌠ ꂣ ꌠ ꑳ ꆹ，

ax  qy  ma jjo ssy

ꀉ ꐔ ꂷ ꐥ ꍂ；

surxshasurxggatli

ꌢ ꎭ ꌢ ꈚ ꆹ，

vot mop ma jjo ssy

ꃮ ꃀ ꂷ ꐥ ꍂ；

su jjyt su  yy li

ꌠ ꐭ ꌠ ꒉ ꆹ，

lat bbu ji jjo ssy

ꆿ ꁮ ꏢ ꐥ ꍂ。

nyi yo hxie yot nyi

ꑌ ꑿ ꉌ ꑽ ꑌ，

zyp ggo yy jyr ndo

ꊫ ꇬ ꒉ ꏻ ꅝ，

le mop hxieyot nyi

ꇌ ꃀ ꉌ ꑽ ꑌ，

vat go ry xiex zze

ꃪ ꇬ ꏜ ꑢ ꋠ；

ax qy hxie yot nyi

ꀉ ꐔ ꉌ ꑽ ꑌ，

hxiewoshot ap bbop

ꉌ ꊈ ꎲ ꀋ ꁨ，

hlit sse hxieyotnyi

ꆗ ꌺ ꉌ ꑽ ꑌ，

hmut vy ke zix ndo

ꅋ ꃼ ꈌ ꊎ ꅝ。

mgujjupmgujjit li

ꉂ ꐪ ꉂ ꐘ ꆹ，

bbop mu nyu yo mgu

ꁨ ꃅ ꑛ ꑿ ꉂ，

zze mu lat che mgu

ꋠ ꃅ ꆿ ꍯ ꉂ，

gguxddurmupgop mgu

ꈫ ꅐ ꃆ ꇭ ꉂ，

jjiddurssa kuo mgu

ꐚ ꅐ ꌳ ꈄ ꉂ，

nyi yo mop ma mgu

ꑌ ꑿ ꃀ ꂷ ꉂ，

vo  co  sse ma mgu

ꃰ ꊿ ꌺ ꂷ ꉂ，

mit nyip ax mo mgu

ꂮ ꑍ ꀉ ꂿ ꉂ，

shanyip cyt vi mgu

ꎭ ꑍ ꋊ ꃤ ꉂ，

mgoxnyiphxobbu mgu

ꈺ ꑍ ꉘ ꁮ ꉂ，

ca nyip sat yy mgu

ꊸ ꑍ ꌐ ꒉ ꉂ，

jjo nyi rrezza mgu

ꐥ ꑍ ꎆ ꋚ ꉂ，

o  hlit a ssat mgu

ꀑ ꆗ ꀊ ꌱ ꉂ，

nyut li syr go mgu

ꑙ ꆹ ꌩ ꇬ ꉂ，

hxe li  yy go mgu

ꉛ ꆹ ꒉ ꇬ ꉂ，

bbu li hxo go mgu

ꁮ ꆹ ꉘ ꇬ ꉂ，

vit li zyp go mgu

ꃢ ꆹ ꊫ ꇬ ꉂ，

sheddunrut zze mgu

ꎸ ꅍ ꎟ ꋠ ꉂ，

yyx li  ix cyp mgu

ꒈ ꆹ ꀁ ꋍ ꉂ，

co  li o  mgut mgu

ꊿ ꆹ ꀑ ꉀ ꉂ，

o  bbu syp lu mgu

ꀑ ꁮ ꌧ ꇐ ꉂ，

vo  mu qu shy mgu

ꃰ ꃅ ꐎ ꏂ ꉂ，

hxie qyt ax mo mgu

ꉌ ꐒ ꀉ ꂿ ꉂ，

hxiehsanyopwu mgu

ꉌ ꎭ ꑘ ꀕ ꉂ，

hxiemit a shyt mgu

ꉌ ꂮ ꀊ ꏀ ꉂ，

xypmop nrat ma mgu

ꑮ ꃀ ꎔ ꂷ ꉂ，

sat wo hxu  ma mgu

ꌐ ꊈ ꉔ ꂷ ꉂ。

mgu bbo ggo ap jjix

ꉂ ꁧ ꈤ ꀋ ꐙ，

mgubbo chyp ap jjip

ꉂ ꁧ ꍹ ꀋ ꐛ，

mgu bbohlur ap pat

ꉂ ꁧ ꆰ ꀋ ꀿ，

mgu bbo mgu jizzur

ꉂ ꁧ ꉂ ꏢ ꋦ，

mgu bbo mgu xindit

ꉂ ꁧ ꉂ ꑟ ꅑ，

xip hne co cy mgu

ꑠ ꅺ ꊿ ꋌ ꉂ。