jjut mu a sse ly
38. ꐧ ꃅ ꀊ ꌺ ꇖ,
cypbbup nzi nyi ne
ꋍ ꁯ ꋯ ꑌ ꆏ,
ka mu nyip ke qo
ꈁ ꃅ ꑍ ꈌ ꐊ;
cyp yie nzi nyi ne
ꋍ ꑷ ꋯ ꑌ ꆏ,
ka mu mgut rre la
ꈁ ꃅ ꉀ ꎆ ꇁ;
cypshyr nzi nyi ne
ꋍ ꏅ ꋯ ꑌ ꆏ,
ka yy ka sa w
ꈁ ꒉ ꈁ ꌒ ꀕ;
cyp pyr nzi nyi ne
ꋍ ꁕ ꋯ ꑌ ꆏ,
mup yy nyop yy ju
ꃆ ꒉ ꑘ ꒉ ꏲ;
pat sse nzi nyi ne
ꀿ ꌺ ꋯ ꑌ ꆏ,
suo cytyit map ggo
ꌕ ꋊ ꑱ ꂸ ꈤ;
vyt nyi nzi nyi ne
ꃺ ꑌ ꋯ ꑌ ꆏ,
suo yipjjy mgephxi
ꌕ ꑱ ꐯ ꈿ ꉈ;
myp yur nzi nyi ne
ꃌ ꒆ ꋯ ꑌ ꆏ,
ggep ke bie ke qo
ꈩ ꈌ ꀜ ꈌ ꐊ;
Bi si nzi nyi ne
ꀘ ꌋ ꋯ ꑌ ꆏ,
cyp mop ci sot mu
ꋍ ꃀ ꊰ ꌗ ꃅ;
jji si nzi nyi ne
ꐚ ꌋ ꋯ ꑌ ꆏ,
cypddop ci hmi ti
ꋍ ꅇ ꊰ ꂓ ꄜ;
cyt vi nzi nyi ne
ꋊ ꃤ ꋯ ꑌ ꆏ,
mopmgep nzixjie qo
ꃀ ꈿ ꋮ ꏦ ꐊ;
wo sat nzi nyi ne
ꊈ ꌐ ꋯ ꑌ ꆏ,
fur ke nzi ke qo
ꃝ ꈌ ꋯ ꈌ ꐊ;
nzi nyi co cy bbux
ꋯ ꑌ ꊿ ꋌ ꁭ。
nzi nyi ne purddur
ꋯ ꑌ ꆏ ꁏ ꅐ,
nzi nyi ne pip rre
ꋯ ꑌ ꆏ ꀻ ꎆ,
nzi nyi ne jjo sa
ꋯ ꑌ ꆏ ꐥ ꌒ,
nzi nyine ggupddur
ꋯ ꑌ ꆏ ꈭ ꅐ;
nzi nyi neggupddur
ꋯ ꑌ ꆏ ꊋ ꒉ,
nzi nyi ne sot sho
ꋯ ꑌ ꆏ ꌗ ꎴ,
nzi nyi kur vi jjip
ꋯ ꑌ ꈓ ꃤ ꐛ,
nzi nyi we vi jjip
ꋯ ꑌ ꊋ ꃤ ꐛ;
mu vut nzi bbo gep
ꃅ ꃴ ꋯ ꁧ ꇱ,
nzi bbo nuo lyp w
ꋯ ꁧ ꆈ ꇗ ꀕ;
Mu ke nzi bbo gep
ꃅ ꈌ ꋯ ꁧ ꇱ,
nzi gga qu zi w
ꋯ ꈜ ꐎ ꊏ ꀕ;
nzi nyiddop cyp go
ꋯ ꑌ ꅇ ꋍ ꇬ,
nzi nyihxie cyp ma
ꋯ ꑌ ꉌ ꋍ ꂷ,
nzi xy lot cyp qo
ꋯ ꑭ ꇇ ꋍ ꐊ,
nzi mop nzisse qo
ꋯ ꃀ ꋯ ꌺ ꐊ,
nzi zza nzi yy qo
ꋯ ꋚ ꋯ ꒉ ꐊ,
nzi nry nzi she qo
ꋯ ꎧ ꋯ ꎸ ꐊ,
vo co nzi nyi kat
ꃰ ꊿ ꋯ ꑌ ꇿ,
kep te kep gop w
ꈍ ꄮ ꈍ ꇭ ꀕ。
i nyi nzi ap nyi
ꀂ ꑌ ꋯ ꀋ ꑌ,
a nyi zza ka bit
ꀊ ꑌ ꋚ ꈁ ꀖ;
ax nyi nzi ap nyi
ꀉ ꑌ ꋯ ꀋ ꑌ,
sy mie hlitmie nbut
ꌦ ꂳ ꆗ ꂳ ꂅ;
cyp bbup nzi ap nyi
ꋍ ꁯ ꋯ ꀋ ꑌ,
suo bot fut gga vo
ꌕ ꀥ ꃘ ꈜ ꃰ;
nzi nyi la vip hlo
ꋯ ꑌ ꇁ ꃥ ꆦ,
viphlo nyi vipndat
ꃥ ꆦ ꑌ ꃥ ꅗ;
nzi nyi la jji ry
ꋯ ꑌ ꇁ ꐚ ꏜ,
jji ryx nyijji we
ꐚ ꏛ ꑌ ꐚ ꊋ;
yyp tip lur cyp jo
ꒊ ꄝ ꇓ ꋍ ꏮ,
vat nyilur nyipjo
ꃪ ꅪ ꇓ ꑍ ꏮ,
ssuthxoplur suo jo
ꌿ ꉙ ꇓ ꌕ ꏮ,
nzi nyi lur ly jo
ꋯ ꑌ ꇓ ꇖ ꏮ。
用户评论